نئی دہلی 25 اکٹوبر (سیاست ڈاٹ کام) کرناٹک میں ماضی کی ایچ ڈی کمارا سوامی حکومت کی طرف سے پیش کردہ تحریک اعتماد سے قبل 17 ارکان اسمبلی کی نااہلی کو چیلنج کرتے ہوئے دائر کردہ مختلف درخواستوں پر سپریم کورٹ نے جمعہ کو اپنا فیصلہ محفوظ کردیا۔ ماضی میں اُس وقت کے اسپیکر کے آر رمیش کمار نے کانگریس اور جے ڈی (ایس) کے باغی ارکان اسمبلی کو نااہل قرار دیدیا تھا اور اس تحریک پر شکست کے بعد کمارا سوامی مستعفی ہوگئے تھے۔
