داونگیرے (کرناٹک) ۔کرناٹک کے داونگیرے ضلع میں ایک 13 سالہ لڑکی پہلوان نے ایک اکھاڑے کے احاطے میں خودکشی کرلی، پولیس نے منگل کو تفصیلات بتائی ۔ متاثرہ کی شناخت کاویہ پوجرکے طور پر کی گئی ہے جو ہری ہرا ٹاؤن کی رہنے والی ہے اور یہ واقعہ پیرکو پیش آیا۔ پولیس کے مطابق کاویہ نے کئی ایوارڈز جیتے اور ریسنگ میں خوب نام کمایا۔ اس نے کوئی خودکشی نوٹ نہیں چھوڑا۔کاویہ دھارواڑ میں پہلوانوں کے ہاسٹل میں رہتی تھی اور وہیں پڑھتی بھی تھی۔ وہ دو دن پہلے ہری ہرا میں گھرآئی تھی۔ پولیس نے بتایا کہ متاثرہ پہلوان پیر کی صبح پریکٹس کے لیے اکھاڑے گئی تھی لیکن بعد میں وہ مردہ پائی گئی۔ ہری ہرا ٹاؤن پولیس نے معاملے کے سلسلے میں مقدمہ درج کر لیا ہے۔ ذرائع نے بتایا ہے کہ متاثرہ پہلوانوں کے خاندان سے تعلق رکھتی تھی اور اس پر بہتر مظاہروں کیلئے دباؤ تھا۔مزید تفتیش جاری ہے۔
