سان ہوزے۔ امریکہ نے گزشتہ رات کو اپنے آخری کوالیفائنگ میچ میں کوسٹا ریکا سے 0-2 سے شکست کے باوجود قطر میں ہونے والے ورلڈ کپ کے لیے کوالیفائی کر لیا۔امریکی ٹیم 2018 کے روس میں ہونے والے ورلڈ کپ کے لیے کوالیفائی نہیں کر سکی جس سے انھیں ایک جھٹکا لگا تھا ۔کوسٹا ریکا کی جانب سے جوآن پابلو ورگاس نے 51 ویں منٹ میں اور انتھونی کونٹریاس نے 59 ویں منٹ میں گول کیا لیکن گزشتہ ہفتے پاناما کے خلاف 5-1 کی کامیابی نے ریاستہائے متحدہ کو کوسٹاریکا سے آگے گول کے فرق میں تیسرے نمبر پر آنے اور ورلڈ کپ کے لیے کوالیفائی کرنے میں مدد کی۔ امریکہ نے 25 نشانات حاصل کئے۔کینیڈا 28 نشانات کے ساتھ جدول پر سرفہرست ہے جبکہ میکسیکو 28 نشانات لینے کے باوجود گول کے فرق پر دوسرے نمبر پر ہے۔امریکی کوچ گریگ برہالٹر نے کہا ٹیم کے لیے قابل فخر لمحہ ہے اور امریکی فٹ بال کے لیے قابل فخر لمحہ۔ ٹیم بہت خوش ہے۔ کوسٹاریکا 25 نشانات کے ساتھ گول کے فرق پر چوتھے نمبر پر ہے اور اب اس کا مقابلہ جون میں ایک میچ کے پلے آف میں اوشیانا چمپئن نیوزی لینڈ سے ہوگا۔
