شملہ: نیشنل کمیونیکیبل ڈیزیز کنٹرول پروگرام کے مشیر ڈاکٹر نریش پروہت نے کہا کہ کووڈ انفیکشن سے متاثرہ لوگوں میں خون جمنے کا رجحان زیادہ ہوتا ہے جس سے ان میں ہارٹ اٹیک کا خطرہ بڑھ جاتا ہے ۔ ڈاکٹر پروہت نے یہاں یواین آئی کو بتایا کہ دنیا بھر میں حالیہ سائنسی تحقیق کے اعداد و شمار کے مطابق، کووڈ-19 دل کی بیماری (سی وی ڈی) کے خطرے کو کافی حد تک بڑھا سکتا ہے ۔ اس وجہ سے گزشتہ چند ماہ سے اچانک دل کا دورہ پڑنے کے کیسز منظر عام پر آ رہے ہیں۔ انہوں نے وزارت صحت سے ان اموات کی وجوہات، خاص طور پر نوجوان آبادی میں تحقیق کے لیے فنڈز مختص کرنے کی درخواست کی اورلوگوں میں خوف و ہراس کو روکنے سے متعلق جانچ کے لئے اچانک موت کی تحقیقاتی کمیٹیاں قائم کرنے کی تجویز بھی دی۔ ڈاکٹر پروہت نے کہا کہ پچھلے کچھ مہینوں میں اچانک دل کے دورے سے اموات کا اعدادوشمار بڑھا ہے جو تشویشناک ہے۔ ہارٹ اٹیک کے علاوہ دیگر وجوہات سے اچانک موت ہے ۔
