نئی دہلی ۔ جیسا کہ بتایا جارہا تھا کہ ویراٹ کوہلی 17 مارچ کو ہندوستان واپس آئیں گے، بالکل ایسا ہی دیکھا گیا ہے۔ ویراٹ کوہلی کی ہندوستان واپسی کی تصاویر سوشل میڈیا پر وائرل ہوگئیں۔ اس کا مطلب ہے کہ وہ جلد ہی اپنی آئی پی ایل ٹیم آر سی بی میں شامل ہوں گے اور اس کے ساتھ پریکٹس کریں گے۔ ویراٹ کوہلی اپنے بیٹے آکے کی پیدائش کی وجہ سے کرکٹ سے دور تھے۔ کرکٹ کے میدان سے ان کی دوری 2 ماہ تک رہی لیکن اب تازہ ترین تصاویر نے ان کی ہندوستان واپسی کی خبر کی تصدیق کردی ہے۔ انگلینڈ کے خلاف 5 ٹسٹ میچوں کی سیریز شروع ہونے سے ٹھیک پہلے ویراٹ نے ٹیم انڈیا سے چھٹی لے لی تھی۔ اس سے قبل خبر آئی تھی کہ وہ پہلے دو ٹسٹ سے باہر ہو جائیں گے۔ پھر خبر آئی کہ وراٹ پوری سیریز میں نہیں کھیلیں گے۔ بی سی سی آئی نے اس کے لیے ایک پریس ریلیز جاری کرتے ہوئے کہا تھا کہ ہمیں ویراٹ کے فیصلے کا احترام کرنا چاہیے۔ بعد ازاں ویراٹ اور انوشکا کی جانب سے مشترکہ طور پر دوسرے بچے آکے کی پیدائش کی اطلاع جاری کی گئی۔ہندوستان واپسی اور اکے کی پیدائش کے بعد ویرات کوہلی پہلا میچ کھیلیں گے۔ آئی پی ایل 2024 میں رائل چیلنجرز بنگلورکو 17 ویں سیزن کے پہلے ہی دن اپنا پہلا میچ کھیلنا ہے۔ اس کا مطلب یہ ہے کہ 22 مارچ کو ہونے والا آئی پی ایل2024 کا افتتاحی میچ آر سی بی کا ہوگا، جو وہ دفاعی چمپئن چنئی سوپرکنگز کے ساتھ کھیلے گا۔ 15 فروری کو بیٹے آکے کی پیدائش کے بعد یہ پہلا میچ ہوگا جو ویراٹ کوہلی کھیلیں گے۔ یہ میچ چنئی کے گراؤنڈ پرکھیلا جائے گا اور کوہلی ایک مرتبہ پھر توجہ کا مرکز ہوں گے ۔
