وینکوور : برٹش کولمبیا میں لگنے والی خوفناک آگ کی روک تھام جس کے نتیجے میں 35 ہزار سے زائد افراد کو محفوظ مقامات پر منتقل کیا جا رہا ہے اورفوج کو حرکت میں لایا جا رہا ہے۔کینیڈا میں پیر کو لگنے والی 1,338 مقامات پر آگ میں سے نصف سے زیادہ پر قابو نہیں پایا جا سکا ہے۔ان میں سے کم از کم ایک تہائی آگ بڑے شہر وینکوور اور برٹش کولمبیا میں لگی ہوئی ہے۔کینیڈا کے وزیر اعظم جسٹن ٹروڈو نے کہا کہ یہ ایک غیر معمولی سنگین صورتحال ہے، انہوں نے مزید کہا کہ فوجی انخلاء اور دیگر لاجسٹک مشنوں کے ذریعے مدد کا سلسلہ جاری رکھا جائے گا۔ٹروڈو نے کہا کہ برٹش کولمبیا کی مدد کی درخواست منظور کر لی گئی ہے۔شمال مغربی علاقوں کے دارالحکومت ییلو نائف میں شدید آگ نے تقریباً تمام 20,000 رہائشیوں کو علاقہ چھوڑنے پر مجبور کر دیا ہے۔کینیڈین انٹر ایجنسی وائلڈ فائر سینٹر کے مطابق اس سال کینیڈا میں جنگل کی آگ بڑے پیمانے پر پھیلی ہوئی ہے اور اب تک 5,807 مقامات پرآگ لگ چکی ہے۔
