جے پور : راجستھان کے وزیر اعلیٰ اشوک گہلوت نے گڈ گورننس اور شفافیت لانے میں انفارمیشن ٹیکنالوجی کی اہمیت بتاتے ہوئے کہا کہ ان کی حکومت کا ہدف ہے کہ راجستھان آئی ٹی پر مبنی گڈ گورننس میں ملک کی پہلی ریاست بنے ۔ مسٹر گہلوت نے بھارت رتن، سابق وزیر اعظم راجیو گاندھی کے یوم پیدائش کے موقع یہ اظہار خیال کیا۔ انہوں نے کہا کہ 20 اگست کو مسٹر راجیو گاندھی کے یوم پیدائش پر ” آئی ٹی سے گڈ گورننس” تھیم پر ریاست میں پروگرام کا انعقاد کیا جا رہا ہے ، جس، میں مختلف آئی ٹی سروسز کو لانچ کیا جائے گا۔ پروگرام میں سابق وزیراعظم ڈاکٹر منموہن سنگھ کے انوویشن ایڈوائزر سیم پترودا کو بھی مدعو کیا گیا ہے ۔ انہوں نے کہا کہ سنہ 2019 میں راجیو گاندھی کی 75 ویں سالگرہ پر راجستھان انوویشن ویژن (راجیو) پروگرام شروع کیا گیا تھا جسے عالمی وبا کورونا کی وجہ سے ایک سال کے لیے بڑھا دیا گیا تھا۔ کمپیوٹر اور انفارمیشن انقلاب جو کہ دور اندیش فکر سے مالا مال مسٹر راجیو گاندھی نے برسوں پہلے ہندوستان میں کمپیوٹر اور آئی ٹی انقلاب کے بیج بوئے تھے ، آج برگد کا درخت بن چکا ہے ۔ انہوں نے کہا کہ گڈ گورننس اور شفافیت لانے میں آئی ٹی کی بڑی اہمیت ہے ۔ ہماری حکومت کا ہدف ہے کہ راجستھان آئی ٹی پر مبنی گڈ گورننس میں ملک کی پہلی ریاست بنے ۔ قابل ذکر ہے کہ مسٹر راجیو گاندھی کی سالگرہ کے موقع پر جمعہ کو راجستھان انوویشن ویژن (راجیو -2021) پروگرام کا ایک ورچول ایونٹ منعقد کیا جائے گا۔ انفارمیشن ٹیکنالوجی سے آئی ٹی گڈ گورننس کے موضوع پر منعقدہ اس پروگرام میں مسٹر پترودا ایک اہم اسپیکر کے طور پر انفارمیشن ٹیکنالوجی کے شعبے میں ملک کے لیے مسٹر راجیو گاندھی کی شراکت داری پر تبادلہ خیال کریں گے ۔
