ہانگ کانگ 8ستمبر(سیاست ڈاٹ کام ) ہانگ کانگ کے کولون علاقہ میں احتجاجی مظاہرین نے تھانہ کے باہر آگ لگادی اور کئی ریلوے اسٹیشنوں کے آپریشن میں رکاوٹ ڈالی ۔پولیس نے کہاکہ کئ مظاہرین نے مانگ کوک کے پولیس اسٹیشن کا محاصرہ کرلیا اور پولیس اہلکاروں پر لیزربیم ڈالی جس سے مجبورا پولیس اسٹیشن کی رپورٹ روم خدمات کو معطل کرنا پڑا۔انھوں نے کہاکہ مظاہرے کے دوران کئ لوگوں نے پولیس اسٹیشن کے باہر آگ زنی کی ۔پولیس نے کہا،‘‘ ہم نے مظاہرین کو تشددنہ کرنے کئی وارننگ بھی دی لیکن اسکا ان پر کوئی اثر نہیں ہوا۔مظاہرین کو منتشر کرنے مناسب فورس تعینات کی جاسکتی ہے ۔اس کے علاوہ مظاہرین نے ٹرین خدمات میں رکاوٹ ڈالی جس کی وجہ سے ریلوے آپریٹر نے کئی اسٹیشنوں کو بند کرنے اور خدمات معطل کرنے کا اعلان کیا۔انتظامیہ نے بیان میں کہاکہ حکومت مظاہرین کے اس برتاؤ کی مذمت کرتی ہے ۔انھوں نے لوگوں کو اس طرح حرکتوں کی وکالت یا ان میں حصہ نہ لینے اور قانون کو اپنے ہاتھ میں نہ لینے کی ہدایت بھی دی ۔واضح رہے کہ ہانگ کانگ میں چین حامی حکومت کی طرف سے حوالگی سے متعلق بل کی کوشش کے خلاف پورے ملک میں احتجاج ہورہاہے ۔