نئی دہلی ۔ جنوبی افریقہ کے سینٹ جارج پارک میں بارش سے متاثرہ دوسرے ٹی 20 مقابلے میں جنوبی افریقہ نے ہندوستان کے خلاف تین میچوں کی سیریز میں پانچ وکٹوں سے فتح حاصل کرتے ہوئے 1-0 کی برتری حاصل کر لی۔ میزبان ٹیم کے لیے ریزا ہینڈرکس نے 49 رنز بنائے اور 30 منٹ کے بارش کے وقفے کے بعد 15 اوورز میں 152 کے نظرثانی شدہ ہدف کا کامیابی سے تعاقب کیا۔ جنوبی افریقی اوپنرز، ہینڈرکس اور میتھیو بریٹزکے نے تیز رفتار آغاز کرتے ہوئے صرف 17 گیندوں پر 42 رنز بنائے۔ دنوں کے درمیان غلط رابطے کی وجہ سے بریٹزکے کی روانگی (رن آؤٹ) کے باوجود کپتان ایڈن مارکرم نے ہینڈرکس کے ساتھ شراکت میں حملہ جاری رکھا، اگلے پانچ اوورز میں مزید 54 رنزکا اضافہ کیا۔ مارکرم کی اننگز اس وقت ختم ہو ئی جب وہ اپنے دوسرے چھکے کی کوشش میں کیچ آؤٹ ہو ئے اور اگلے ہی اوور میں ہینڈرکس نے بھی ایسا ہی کیا، کلدیپ یادیو کی گیند پر 49 رنز پر شارٹ ایکسٹرا کور پرکیچ ہو ئے۔ اگرچہ ایسا لگتا ہے کہ ہندوستان دوبارہ مقابلے پر کنٹرول حاصل کر سکتا ہے، ڈیوڈ ملر، ٹرسٹن اسٹبس، اور اینڈائل پھہلوکوا نے لوور آرڈر میں اس بات کو یقینی بنایا کہ جنوبی افریقہ کو کامیابی سے ہمکنار کرنا ہے اور ٹیم نے ہدف کو سات گیندیں باقی رہ کر حاصل کر لیا۔ اس سے قبل ہندوستان کو ابتدائی دھکے کا سامنا کرنا پڑا جب اوپنرز شبمن گل اور یشسوی جیسوال بغیر کوئی رن بنائے پویلین چلے گئے۔ تاہم تلک ورما اور سوریا کمار یادو نے اننگزکو مستحکم کیا، پاور پلے کے اختتام پر59 تک پہنچ ئے۔ ورما کے اس دوران آؤٹ ہونے کے باوجود سوریا کمار اور رنکو سنگھ نے ایک مضبوط پلیٹ فارم بنایا، دونوں نے اگلی 48 گیندوں پر 70 رنز کا اضافہ کیا۔ جب کہ ہندوستانی کپتان 56 رنز بنانے کے بعد آوٹ ہوئے لیکن دوسرے سری سے رنکو 68 رنز بنا کر ناٹ آؤٹ رہے، جس کی بدولت ہندوستان 180/7 کے ایک شاندار مجموعی اسکور تک پہنچا۔ بدقسمتی سے اس موقع پر بارش نے کھیل میں خلل ڈالا، جس سے ہندوستان کو آخری تین گیندیں کھیلنے سے روکا گیا اور جنوبی افریقہ کو اس کے بعد کامیاب کیلئے نظر ثانی شدہ نشانہ دیا گیا ۔
