برسلز : یورپی یونین میں انتخابات کا چوتھا دن شروع ہو گیا ہے۔یورپی پارلیمنٹ میں اپنے ملک کے نمائندہ 720 ممبران کے انتخاب کے لئے رائے دہندگان ووٹ کا استعمال کر رہے ہیں۔ انتخابات کے چوتھے دن 21 ممالک میں ووٹ ڈالے جائیں گے۔یورپی پارلیمنٹ میں اٹلی کے ممبران کی تعداد 76 ہو گی اور ملک میں ووٹ ڈالنے کا عمل آج بھی جاری رہے گا۔پارلیمنٹ میں 96 نشستوں کے ساتھ سب سے بڑے حصے دار ملک جرمنی میں رائے دہندگان آج ووٹ کا استعمال کریں گے۔81 نشستوں کے مالک فرانس میں بھی آج دن بھر ووٹنگ جاری رہے گی۔اسپین، پولینڈ، رومانیہ اور بیلجیئم بھی ان ممالک میں شامل ہیں جہاں آج ووٹ ڈالے جائیں گے۔کورونا وائرس وباء ، یوکرین میں جنگ، توانائی کا بحران اور مہنگائی جیسے موضوعات ممبران کے انتخاب میں مرکزی کردار ادا کریں گے۔واضح رہے کہ یورپی پارلیمانی ممبران کے لئے انتخابات 6 جون کو شروع ہوئے اور ہالینڈ پہلا ملک تھا جہاں سب سے پہلے پولنگ اسٹیشن کھولے گئے۔ ہالینڈ کے بعد آئرلینڈ، جمہوریہ چیک اور استونیا میں انتخابات کروائے گئے۔ استونیا میں ورچوئل ووٹنگ کروائی گئی۔کل اٹلی، لتھوانیا، مالٹا اور سلوواکیہ میں انتخابات شروع ہوئے۔آج کا دن انتخابات کا مصروف ترین دن ہو گا کیونکہ آج 21 ممالک میں بیک وقت ووٹ ڈالے جائیں گے۔
