نئی دہلی: انڈونیشیا کے صدر پربوو سوبیانتو دہلی میں یوم جمہوریہ کی تقریبات میں مہمان خصوصی ہوں گے۔ جکارتہ نے انڈونیشیائی صدر کے دورہ ہندوستان کے بعد پاکستان کے دورہ کا منصوبہ بنایا ہے۔ حالانکہ خیال کیا جاتا ہے کہ نئی دہلی کی جانب سے اعتراضات کے بعد سوبیانتو کا ہندوستان دورہ کے فوراً بعد پاکستان جانے کا امکان نہیں ہے۔واضح رہے کہ ہندوستان ہر سال یوم جمہوریہ کی تقریبات میں شرکت کے لیے عالمی رہنماؤں کو مدعو کرتا ہے۔ پچھلے سال فرانسیسی صدر ایمانوئل میکرون مہمان خصوصی تھے۔ مصری صدر عبدالفتاح السیسی 2023 میں مہمان خصوصی تھے۔اس کے علاوہ کلیدی پریڈ میں شرکت کے لیے خصوصی مہمانوں کو ملک بھر سے مدعو کیا گیا ہے۔
اور ان کا تعلق مختلف ریاستوں اور خطوں سے ہے۔ ان میں مختلف شعبوں میں بہترین کارکردگی دکھانے والے اور حکومت کی طرف سے فراہم کردہ اسکیموں کا بہترین استعمال کرنے والے افراد بھی شامل ہیں۔
