ماسکو :متحدہ عرب امارات (یو اے ای) پہلی بار روس کے 20 بڑے غیر ملکی اقتصادی شراکت داروں میں شامل ہوگا۔ روس کے نائب وزیر خارجہ میخائل بوگدانوف نے یہ اطلاع دی۔مسٹر بوگدانوف نے مزید کہا کہ 2022 میں ممالک کے درمیان تجارت کی بلند ترین سطح اس اشارے کے لحاظ سے امارات کو عرب ممالک میں سرفہرست رکھتی ہے اور اسی وجہ سے پہلی بار متحدہ عرب امارات روس کے اہم ترین غیر ملکی اقتصادی شراکت داروں کے 20 ممالک میں شامل ہوسکے گا۔ انہوں نے مزید کہا کہ روسی کمپنیاں متحدہ عرب امارات کو برآمدی سامان کو منظم کرنے ، ضرورت کے مطابق اجزاء، آلات اور سامان کو روس کو درآمد کرنے کے لیے ایک آسان پیداوار اور رسد کا مرکز سمجھتی ہیں۔ خاص طور پر ابوظہبی کے قریب قزاد فری اکنامک زون میں روسی صنعتی کلسٹر کی تخلیق کو اسی شکل میں دیکھا جا تا ہے ۔
