حیدرآباد۔15 مئی (سیاست نیوز) ریاست بھر میں عمارتوں کی اجازت کی تیز رفتار اور مسائل سے پاک منظوری کے لئے ریاستی حکومت ،تلنگانہ اسٹیٹ بلڈنگ پرمیشن اور سیلف سرٹیفیکیشن سسٹم (ٹی ایس۔ بی پاس) جون کے پہلے ہفتے سے نافذ کرے گی۔ یہاں منعقدہ ٹی ایس باس پاس کے نفاذ سے متعلق جائزہ اجلاس کے دوران ریاستی وزیر کے ٹی آر نے عہدیداروں کو ہدایت کی کہ وہ جون کے پہلے ہفتے سے ریاست بھر میں ٹی ایس۔بی پاس کو نافذ کرنے کے لئے تمام انتظامات کریں۔جائزہ اجلاس میں حیدرآباد کے میئر بونتھو رام موہن ، ایم اے یو ڈی کے پرنسپل سکریٹری اروند کمار اور سی ڈی ایم اے کے ڈائریکٹر این ستیہ نارائن نے بھی شرکت کی۔ٹی ایس۔ بی پاس اگر کسی شہری کو 75 مربع گز کے اندر تعمیر کرنا ہے تو اسے خودسند کے ذریعہ مکان تعمیر کرنے کی اجازت ہوگی۔ نیانظام ٹی ایس۔ بائی پاس کے مطابق ہے جو ریاست میں کم سے کم دستاویزات اورانسانی مداخلت کے ساتھ عمارت کی منظوری کو تیز رفتار کرے گا۔ریاستی حکومت شہریوں کی خدمات کی شفاف فراہمی کو یقینی بنانے کے لئے کوشاں ہے۔ ٹی ایس۔ بی پاس کو آزمائشی بنیادوں پر 87 بلدیات میں نافذ کیا جارہا ہے۔ اب تک قریب 1100 درخواستیں موصول ہو چکی ہیں۔ عہدیداروں کی درخواستوں کی تصدیق کا عمل جاری ہے۔ مکانات کی تعمیر کے لئے پہلے ہی کچھ اجازتیں دی جاچکی ہیں۔ وزیر نے عہدیداروں سے کہا کہ وہ بنیادی ڈھانچے کو اپ گریڈ کریں اور ملازمین کو پریشانی سے آزاد لین دین کو یقینی بنانے کے لئے تربیت فراہم کریں۔راما راؤ نے ایم اے او ڈی کے عہدیداروں سے کہا کہ وہ دو دن میں کلکٹروں ، محصولات اور ٹاؤن پلاننگ کے عہدیداروں کے ساتھ اجلاس طلب کریں تاکہ ایک بارسسٹم کے آنے کے بعد وہ آن لائن منظوری کی فراہمی کی طرف کام کریں اور درخواستوں کو بھیجنے کے لئے می آن خدمت کے مراکز اور موبائل ایپ جیسے مختلف آن لائن سہولیات فراہم کریں۔ علاوہ ازیں ایک کال سینٹر بھی قائم کیا جارہا ہے۔
