ممبئی۔ ممبئی کے آل راؤنڈر تنوش کوٹیان اور تشار دیشپانڈے نے منگل کو یہاں بی کے سی گراؤنڈ میں بڑودا کے خلاف کوارٹر فائنل میچ کے دوران رانجی ٹرافی کی تاریخ میں دسویں وکٹ کی دوسری سب سے بڑی شراکت داری کی۔ کوٹیان اور دیش پانڈے نے مل کر 10ویں وکٹ کے لیے 232 رنز بنائے، جو اجے شرما اور منیندر سنگھ نے 1991-92 کے سیزن کے دوران ممبئی کے خلاف دہلی کے لیے بنائے گئے 233 رنز کے ریکارڈ میں سے صرف ایک رن سے کم تھے۔ ممبئی کی دوسری اننگز میں337/9 اوور رات کے اسکور پر آخری وکٹ کے لیے ٹیم نے نیا ریکارڈ بنایا ۔کوٹیان نے 115 گیندوں میں سنگل اسکور کرکے اپنی سنچری مکمل کی، وہیں دیش پانڈے نے بھی 112گیندوں پر شاندار سنچری بنا کر یہ سنگ میل عبورکیا، جس سے وہ ممبئی کا پہلا نمبر 11 بیٹر تھا جس نے سنچری اسکور کی۔ یہ جوڑی ایک ہی اننگز میں نمبر10 اور نمبر11 پر بیٹنگ کرتے ہوئے فرسٹ کلاس سنچریاں اسکورکرنے والی دوسری جوڑی بن گئی۔ چندو سروتے اور شوٹے بنرجی، 1946 میں اوول میں سرے بمقابلہ ہندوستانی میچ کے دوران یہ کارنامہ انجام دینے والی پہلی جوڑی تھی۔ دیش پانڈے کی اننگز کا خاتمہ نیناد رتھوا کی عمدہ گیند پر123 رنز پر ہوا جب ممبئی نے بڑودہ کے لیے 606 رنزکا مشکل ہدف مقرر کرتے ہوئے بورڈ پر 569 رنز بنائے۔
ہندوستانی کھلاڑی تعطیلات کے بعد
3 مارچ کو دھرم شالہ پہنچیں گے
نئی دہلی ۔ حیدرآباد میں شکست کے بعد ہندوستانی ٹیم نے انگلینڈ کے خلاف ٹسٹ سیریز میں شاندار واپسی کی۔ ہندوستانی ٹیم نے انگلینڈ کو وشاکھاپٹنم، راجکوٹ اور پھر رانچی میں شکست دی۔ رانچی میں جیت کے ساتھ ہی ہندوستانی ٹیم نے ٹسٹ سیریز میں 3-1 کی ناقابل تسخیر برتری حاصل کر لی ہے۔ بڑی بات یہ ہے کہ رانچی میں جیت کے بعد ٹیم کے کھلاڑیوں کو ایک اہم تحفہ بھی دیا گیا۔ یہ تحفہ تعطیلات کا ہے۔ ٹیم انڈیا کے کھلاڑیوں کو رانچی ٹسٹ کے بعد گھر جانے کی اجازت مل گئی۔ ٹیم کے کھلاڑیوں کو پانچ دن کی چھٹی مل گئی ہے۔ میڈیا رپورٹس کے مطابق تمام کھلاڑی اب 3 مارچ کو ہی دھرم شالہ پہنچیں گے۔ سیریز کے آخری ٹسٹ سے قبل تمام کھلاڑی اپنے اہل خانہ کے ساتھ وقت گزاریں گے۔ یاد رہے کہ دھرم شالہ ٹسٹ 7 مارچ کو شروع ہو رہا ہے، یعنی ٹیم کے کھلاڑیوں کے پاس میچ کی تیاری کے لیے 4 دن کا وقت ہوگا۔ نہ صرف میز بان ٹیم بلکہ انگلینڈ کی ٹیم کو بھی چھٹی دی گئی ہے۔ اس کے کھلاڑی چندی گڑھ اور بنگلورو میں چھٹیاں گزارنے جا رہے ہیں۔ دو ٹسٹ میچ کھیلنے کے بعد وہ امارات بھی گئے اور اس کے بعد انگلینڈ کو لگاتار دو مقابلوں میں شکست ہوئی ہے اور اس کے ساتھ ہی سیریز بھی ہاتھ سے نکل گئی۔ اب انگلینڈ کی ٹیم دھرم شالہ میں جیتنے کی کوشش کرے گی تاکہ سیریز میں شکست کا فرق کم کیا جاسکے۔
