نئی دہلی : عملہ، عوامی شکایات اور پنشن کی وزارت کے وزیر مملکت ڈاکٹر جتیندر سنگھ نے پنشن حاصل کرنے والے سرکاری ملازمین کے لیے مرکزی حکومت کی طرف سے قائم کردہ انوبھو ایوارڈ کے ساتویں ایڈیشن کے لیے منتخب ریٹائرڈ ملازمین کو چہارشنبہ 28 اگست کو قومی دارالحکومت دہلی میں منعقد ہونے والی ایک تقریب میں اعزاز دیں گے ۔وزارت کی جانب سے جاری کردہ اعلامیہ کے مطابق اس بار پانچ تجربہ ایوارڈز اور دس جیوری سرٹیفکیٹ دیے جائیں گے ۔ ان میں سے پانچ ایوارڈز اور سرٹیفکیٹس خواتین کو دیے جا رہے ہیں۔ ایوارڈ پیش کرنے کی تقریب دارالحکومت کے وگیان بھون میں منعقد ہو رہی ہے ۔
