بھوپال: مدھیہ پردیش کے وزیر اعلی شیوراج سنگھ چوہان نے آج عالمی سطح پر ریاست کا نام روشن کرنے والے تین ابھرتے ہوئے کھلاڑیوں کو 25-25 لاکھ روپے کی رقم پیش کی۔ چوہان نے یہ رقم دھار ضلع کے پریانشو راجاوت، بھوپال کی گورانشی شرما اور گوالیار کے دھنجے دوبے کو پیش کی۔ اس موقع پر وزیر کھیل یشودھرا راجے سندھیا بھی موجود تھیں۔ پریانشو راجاوت نے حال ہی میں تھامس کپ بیڈمنٹن انٹرنیشنل مقابلے میں ملک کی نمائندگی کی۔ گورانشی شرما (بھوپال) نے ڈیف اولمپکس برازیل میں ٹیم ایونٹ میں بیڈمنٹن میں گولڈ میڈل جیتا تھا۔ گوالیار کے دھنجے دوبے نے ڈیف اولمپکس ترکی میں بیڈمنٹن میں چاندی کا تمغہ جیتا تھا۔ وزیراعلی چوہان نے تمام کھلاڑیوں کو مبارکباد دیتے ہوئے انہیں مسلسل کھیلنے کا مشورہ دیا۔ انہوں نے انہیں زیادہ سے زیادہ کامیابی حاصل کرنے کے لیے نیک خواہشات کا اظہار بھی کیا۔
