کیرتی پور (نیپال) ۔ نمیبیا کے بیٹر جان نکول لوفٹی ایٹن نے منگل کو صرف 33 گیندوں پر سنچری بنا کر تیز ترین ٹی ٹوئنٹی سنچری کا ریکارڈ توڑ دیا۔ لوفٹی ایٹن نے میزبان کے خلاف نیپال سہ ملکی ٹی20 سیریز کے پہلے مقابلے میں یہ کارنامہ انجام دیا۔ لوفٹی ایٹن نے صرف 36 گیندوں پر 101 رنز بنائے اور 33 ویں گیند پر ایک چوکے کے ساتھ سنچری کا سنگ میل عبورکیا۔ آئی سی سی کی رپورٹ کے مطابق ان کی ریکارڈ توڑ سنچری11 چوکوں اور آٹھ چھکوں پر مشتمل تھی۔ مردوں کے ٹی20 میں پچھلی تیز ترین سنچری نیپال کے کشال مالا کی تھی، جنہوں نے گزشتہ سال منگولیا کے خلاف 34 گیندوں پر ایک سو رن بنایا تھا۔ بیٹنگ کے لیے آئے جب اس کی ٹیم 11ویں اوور میں 62/3 پر غیر یقینی صورت حال پر تھی اور لوفٹی ایٹن نے حملہ آور اسٹروک کا ایک ہنگامہ برپا کیا جس کی مدد سے نمیبیا کو 20 اوورز میں 206/4 تک پہنچنے میں مدد ملی۔ جواب میں نیپال روہت پاوڈیل (24گیندوں پر42 رنز)، مالا (21 گیندوں پر32 رنز)، دیپیندر سنگھ ایری (32 گیندوں پر 48 رنز) اور سومپال کامی (11 گیندوں پر26 رنز) کی شاندار اننگز کے باوجود ہدف سے 20 رنز پر دور رہا۔ لوفٹی ایٹن نے بھی اپنی اسپن بولنگ سے دو وکٹیں حاصل کیں اور انہیں میچ کا بہترین کھلاڑی قرار دیا گیا۔
نیل ویگنر بین الاقوامی کرکٹ سے سبکدوش
ویلنگٹن۔ نیوزی لینڈ کرکٹ (این زیڈ سی) نے منگل کو کہا کہ فاسٹ بولر نیل ویگنر نے بین الاقوامی کرکٹ سے سبکدوشی کا اعلان کرتے ہوئے اپنے 12 سالہ ٹسٹ کیریئر کے پردے کو گرا دیا ہے جس کے دوران انہوں نے 64 ٹسٹ کھیلے تھے۔ ویگنر نے اس خبرکا انکشاف آسٹریلیا کے خلاف ہوم گراؤنڈ پر نیوزی لینڈ کی دو میچوں کی ٹسٹ سیریز کے موقع پرکیا۔ 37 سالہ ویگنر پہلے ٹسٹ کے لیے ابتدائی الیون میں نہیں ہوں گے ۔ وہ 27 کی اوسط سے 260 وکٹیں لے کر نیوزی لینڈ کے سب سے زیادہ ٹسٹ وکٹ لینے والوں کی فہرست میں اپنے کیریئر کا پانچواں مقام حاصل کیا۔ بائیں ہاتھ کے فاسٹ بولر نے اپنی ٹیم کے لیے 2012 میں ڈیبیوکیا اور 2021 میں آئی سی سی ٹسٹ ورلڈ رینکنگ اور2021 میں افتتاحی آئی سی سی ورلڈ ٹسٹ چمپئن شپ میں فتح کے دوران ٹیم کے ایک اہم رکن تھے۔
