محبوب نگر ۔ 16ستمبر ۔ ( سیاست ڈسٹرکٹ نیوز ) محبوب نگر کی ایڈیشنل کلکٹر (ریونیو) اورجڑچرلہ اسمبلی حلقہ کی الیکٹورل رجسٹریشن آفیسر (ERO)، محترمہ جے ایل بی ہری پریا نے جڑچرلہ اسمبلی حلقہ میں جاری SIR-2026 پروگرام کی پیشرفت کے سلسلے میں تسلیم شدہ سیاسی جماعتوں کے نمائندوں کے ساتھ ایک اجلاس منعقد کیا۔اس موقع پر ERO نے سیاسی جماعتوں کے نمائندوں کو 16 ستمبر تک نوٹس کی تقسیم اور سماعتوں (Hearings) کے انعقاد سے متعلق پیشرفت کی تفصیلات سے آگاہ کیا۔ اجلاس میں SIR-2026 عمل کے تحت کیے گئے اقدامات اور مقررہ شیڈول کے مطابق جاری سماعتوں کے عمل کا جائزہ لیا گیا۔ERO انھوں نے سیاسی جماعتوں کے نمائندوں سے کہا کہ اگر نوٹس کی تقسیم یا سماعتوں کے انعقاد میں کسی قسم کے مسائل یا مشکلات کا سامنا ہو تو وہ متعلقہ حکام کی توجہ اس جانب مبذول کرائیں۔انہوں نے سیاسی جماعتوں کے نمائندوں سے اپیل کی کہ وہ مقررہ شیڈول کے مطابق سماعتوں کے عمل کو تیزی اور خوش اسلوبی سے مکمل کرنے میں تعاون کریں۔ نیز، یہ تجویز بھی دی گئی کہ متعلقہ ووٹرز سماعتوں میں شرکت کریں اور انہیں اس عمل سے آگاہ کیا جائے تاکہ وہ ضروری معاونت فراہم کر سکیں۔اس اجلاس میں جڑچرلہ کے تحصیلدار/AERO، ایڈیشنل تحصیلدار،جڑچرلہ میونسپل کمشنر،جڑچرلہ میونسپلٹی کے ڈپٹی تحصیلدار،جڑچرلہ اسمبلی حلقہ کے الیکشن ڈپٹی تحصیلدار (DT) اور دیگر حکام نے شرکت کی۔
