نئی دہلی: بجٹ ایئر لائن اسپائس جیٹ نے رواں مالی سال کی دسمبر 2024 میں ختم ہونے والی تیسری سہ ماہی میں 26 کروڑ روپے کا خالص منافع کمایا ہے ، جب کہ گزشتہ مالی سال کی اسی سہ ماہی میں کمپنی کو 300 کروڑ روپے کا خسارہ ہوا تھا۔ایئر لائن نے آج ایک ریلیز میں کہا کہ مسافروں کی مضبوط مانگ، بہتر پیداواری صلاحیت اور بڑھی ہوئی آپریشنل کارکردگی کی وجہ سے کل آمدنی 35 فیصد بڑھ کر 1651 کروڑ روپے ہوگئی۔ مسافر لوڈ فیکٹر (پی ایل ایف) 87 فیصد کی متاثر کن سطح پر رہا۔ ستمبر 2024 کی سہ ماہی میں کل آمدنی 1,077 کروڑ روپے تھی۔ تاہم، دسمبر 2023 کو ختم ہونے والے تین مہینے میں درج 2149 کروڑ روپے کے مقابلے میں،دسمبر 2024 سہ ماہی میں کل آمدنی کم ہے ۔ایئر لائن نے اسٹاک مارکیٹ کو مطلع کیا تھا کہ رواں مالی سال کی تیسری سہ ماہی کے نتائج کی منظوری کے لیے منگل کو بورڈ آف ڈائریکٹرزمیٹنگ ہوگی۔
پٹرول اور ڈیزل کی قیمتیں مستحکم
نئی دہلی: بین الاقوامی سطح پر خام تیل کی قیمتوں میں مسلسل اضافہ کے باوجود گھریلو سطح پر پٹرول اور ڈیزل کی قیمتیں آج مستحکم رہیں، جس کی وجہ سے دہلی میں پٹرول 94.72 روپے فی لیٹر اور ڈیزل 87.62 روپے فی لیٹر رہا۔تیل کی مارکیٹنگ کرنے والی معروف کمپنی ہندوستان پیٹرولیم کارپوریشن کی ویب سائٹ پر جاری کردہ نرخوں کے مطابق آج ملک میں پیٹرول اور ڈیزل کی قیمتوں میں کوئی تبدیلی نہیں کی گئی ہے ۔