لکھنؤ ۔ اترپردیش کے ضلع اناؤ کے دلت لڑکی کے اغوار کے بعد قتل کی شکار ہوئی متاثرہ کی ماں سے کانگریس کی جنرل سکریٹری پرینکا گاندھی واڈرا نے ہفتہ کو فون پر بات کرانہیں انصاف دلانے میں ہرممکن مدد کا تیقن دیا ہے ۔ ریاستی کانگریس دفتر کے ذرائع نے بتایا کہ واڈرا نے اناو کی متاثرہ کی ماں سے فون پر بات کر انہیں تیقن دیا کہ انصاف کے خلاف اس لڑائی میں پوری کانگریس پارٹی ان کے ساتھ کھڑی ہے ۔ قابل ذکر ہے کہ سماج وادی پارٹی(ایس پی) کے ایک لیڈر کے فارم کے نزدیک خالی پلاٹ سے لڑکی کی لاش برآمد ہونے کے بعد سے ہی اس معاملے میں اترپردیش کی سیاست گرم ہوگئی ہے ۔ متاثرہ کی ماں کا الزام ہے کہ ان کی بیٹی اس لیڈر کی سازش کا شکار ہوئی ہے ۔ پولیس نے اس معاملے میں اغوار اور قتل کا معاملہ درج کیا ہے ۔
