بنگلورو: عالمی ہوا بازی کی بڑی کمپنی بوئنگ نے ہندوستانی ہوا بازی کے شعبے کیلئے ایک پرامید نقطہ نظر پیش کیا ہے ، جس میں اگلی دو دہائیوں میں ہوائی ٹریفک میں نمایاں توسیع کا اندازہ لگایا گیا ہے ۔کمپنی نے 2043 تک اپنے تجارتی مارکیٹ آؤٹ لک (سی ایم او) میں ملک کی تیزی سے بڑھتی ہوئی ایوی ایشن مارکیٹ کی ضروریات کو پورا کرنے کیلئے 2,835 نئے ہوائی جہازوں کی ضرورت کا اندازہ لگایا ہے ، جس میں پائلٹ، ٹکنیشن، عملہ سمیت تقریباً 1,29,000 ملازمتیں پیدا ہونے کی امید ہے ۔بوئنگ نے اس ترقی کو ہندوستان کی مضبوط اقتصادی ترقی سے منسوب کیا ہے اور اندازہ لگایا ہے کہ ہندوستان سال 2031 تک دنیا کی تیسری سب سے بڑی معیشت بن جائے گا۔ ہندوستان میں ہوا بازی کا شعبہ پہلے ہی معیشت میں 54 ارب ڈالر کا حصہ ڈالتا ہے اور 77 لاکھ افراد کو ملازمت دے رہا ہے ، اس لیے اس کی توسیع ضروری معلوم ہوتی ہے ۔بوئنگ کی پیشین گوئیاں تین اہم اقتصادی عوامل پر مبنی ہیں: 2050 تک جی ڈی پی کا چار گنا اضافہ، آمدنی میں اضافہ اور مینوفیکچرنگ سیکٹر میں روزگار کی تخلیق اور اس سے ہوائی سفر کی مانگ میں اضافہ۔ بوئنگ ہوائی ٹریفک کو بڑھانے میں بنیادی ڈھانچے کی توسیع کے کردار پر روشنی ڈالتا ہے ۔
