جالندھر: پنجاب حکومت کے انسداد منشیات اقدام ’یدھ نشیہ ویرودھ‘ کے تحت ایک فیصلہ کن قدم کے طور پر جالندھر میونسپل کارپوریشن نے جالندھر کمشنریٹ پولیس کے ساتھ مل کر چہارشنبہ کو بدنام زمانہ منشیات کے اسمگلروں کی دو غیر قانونی تعمیرات کو منہدم کر دیا۔ پولیس کمشنر دھن پریت کور نے بتایا کہ گرو امرداس نگر میں دلیپ سنگھ عرف دلیپا کی غیر قانونی جائیداد کو مسمار کر دیا گیا۔ دلیپا ایک بدنام زمانہ منشیات کا اسمگلر ہے جس کے خلاف این ڈی پی ایس ایکٹ کے تحت 11 ایف آئی آر درج ہیں اور وہ پہلے ہی ان میں سے بہت سے معاملات میں مجرم قرار پا چکا ہے۔ اسی طرح کی کارروائی میں ایک اور سزا یافتہ منشیات فروش نشا خان عرف نشہ چودھری کے غیر قانونی ڈھانچے کو ورکا دودھ پلانٹ کے قریب اشوک وہار میں منہدم کر دیا گیا۔ نشا کے خلاف این ڈی پی ایس ایکٹ کے تحت چھ ایف آئی آر درج ہیں جن میں کئی عدالتی سزائیں بھی شامل ہیں۔ دھن پریت کور نے کہاکہ یہ کارروائی ڈرگ مافیا کے لیے ایک مضبوط پیغام ہے ۔ ان کی غیر قانونی جائیدادوں کو تباہ کر کے ہم نہ صرف قانون کو نافذ کر رہے ہیں بلکہ اپنے پڑوس کو منشیات کے چنگل سے بھی آزاد کر رہے ہیں۔
