بھوپال: مدھیہ پردیش میں گزشتہ دو دنوں سے مختلف مقامات پر بارش اور ژالہ باری کے درمیان ریاستی کانگریس کے صدر جیتو پٹواری نے آج کہا کہ ریاستی حکومت کو اس کا نوٹس لینا چاہئے اور متاثرہ کسانوں کو راحتی پیکیج جاری کرنا چاہئے ۔پٹواری نے اپنے بیان میں کہا کہ موسم کی حالیہ تبدیلی سے ریاست میں فصلوں کو بہت زیادہ نقصان پہنچاہے ۔ ریاست کے متعدد حصوں میں بارش کے ساتھ تیز آندھی اور ژالہ باری سے کھیتوں میں گندم، چنے اور سرسوں کی فصلوں کو سب سے زیادہ تباہی ہوئی ہے ۔ نرمداپورم، کھنڈوا، چھندواڑہ، تکم گڑھ، بیتول، چھتر پور اور نیواری اضلاع میں اولے گرے ۔ کچھ اضلاع میں کھیتوں میں کٹی فصلیں پانی میں ڈوب گئیں۔ کسانوں کو خدشہ ہے کہ اب اناج کالا ہو سکتا ہے ، ریاستی حکومت کو اس کا نوٹس لینا چاہیے اور متاثرہ کسانوں کو ریلیف پیکج جاری کرنا چاہیے ۔ پٹواری نے کہا کہ محکمہ موسمیات نے اگلے چند گھنٹوں میں ریاست کے بیشتر علاقوں میں بارش، طوفان اور ژالہ باری کی پیش گوئی کی ہے ۔انہوں نے وزیر اعلیٰ ڈاکٹر موہن یادو سے درخواست کی کہ وہ بحران کی اس گھڑی میں کسانوں کی مدد کے لیے فوری طور پر موثر اور نتیجہ خیز سروے کا اعلان کریں اور وزیر اعلیٰ کے دفتر کو بھی اس سروے کی مسلسل نگرانی کرنی چاہیے ۔ انہوں نے کہا کہ حکومت فوری ایکشن لے اور کسانوں کو ریلیف فراہم کرے ۔
