نئی دہلی: کانگریس کی جنرل سکریٹری پرینکا گاندھی واڈرا نے جمعہ کے روز اتراکھنڈ کے الموڑہ ضلع کے جنگلاتی علاقے میں آگ لگنے سے چار جنگلاتی کارکنوں کی ہلاکت پر غم کا اظہار کرتے ہوئے کہا کہ مرکزی اور ریاستی حکومتوں کو آگ کے واقعات کو روکنے کے لیے اقدامات کریں۔انہوں نے یہ بھی کہا کہ ہمالیہ کو بچانے کے لیے ہر ایک کے تعاون سے بڑے پیمانے پر موثر کوششیں کرنے کی ضرورت ہے۔اتراکھنڈ کے الموڑہ ضلع میں سول سویم فاریسٹ ڈویڑن کے تحت بنسر وائلڈ لائف سینکچری میں آگ لگنے سے چار جنگلاتی کارکن ہلاک اور چار دیگر شدید جھلس گئے۔پرینکا نے سوشل میڈیا پلیٹ فارم ’X‘ پر پوسٹ کیا، الموڑہ (اتراکھنڈ) میں جنگل کی آگ بجھانے والے چار ملازمین کی موت اور بہت سے دوسرے کے زخمی ہونے کی خبر انتہائی افسوسناک ہے۔ میں سب کے لئے خدا سے دعا کرتا ہوں، میں ریاستی حکومت پر زور دیتا ہوں کہ وہ متاثرہ خاندانوں کو معاوضہ اور ہر ممکن مدد فراہم کرے۔انہوں نے کہاکہ اتراکھنڈ کے جنگلات پچھلے کئی مہینوں سے مسلسل جل رہے ہیں، سینکڑوں ہیکٹر جنگلات تباہ ہو چکے ہیں۔ ہماچل پردیش میں بھی مختلف مقامات پر جنگلات میں آگ لگنے کی اطلاعات ہیںایک تحقیق کے مطابق ہمالیہ کے علاقے کے جنگلات میں آگ لگنے کے واقعات میں کئی گنا اضافہ ہوا ہے۔موسمیاتی تبدیلی نے ہمارے ہمالیہ اور پہاڑی ماحول پر سب سے زیادہ اثر ڈالا ہے۔پرینکا نے کہاکہ میں مرکزی اور ریاستی حکومتوں سے اپیل کرتا ہوں کہ آگ کے واقعات کو روکنے کیلئے اقدامات کیے جائیں اور ہمالیہ کو بچانے کیلئے ہر ایک کے تعاون سے بڑے پیمانے پر موثر کوششیں کی جائیں۔
