تہران : ایران نے خلیج بصرہ میں پٹرول اسمگلنگ کرنے والے بحری جہاز کو تحویل میں لے لیا ہے۔ایران سرکاری ٹیلی ویژن چینل کی خبر کے مطابق صوبہ ہرمزگان کے عدالتی سربراہ مجتبیٰ قہرمانی نے کہا ہے کہ خلیج بصرہ کے جزیرہ قشم کے کھْلے سمندر میں پیٹرول سے لدے بحری جہاز کی نشاندہی کے بعد آپریشن کیا گیا ہے۔ قہرمانی نے کہا ہے کہ سرحدی محافظوں کے آپریشن میں 2 لاکھ 77 ہزار لیٹر پٹرول کو تحویل میں اور جہاز کے 12 رکنی عملے کو حراست میں لے لیا گیا ہے۔ قہرمانی نے جہاز کی ملکیت اور عملے کی قومیت کے بارے میں کوئی معلومات فراہم نہیں کیں۔واضح رہے کہ ایران میں اسمگلر ،حکومت کی اعانتی پیٹرول مصنوعات کوغیر قانونی طریقوں سے بیرونِ ملک فروخت کرتے ہیں۔
