جودھ پور ۔ راجستھان کے جودھ پور میں نابالغ لڑکیوں کی عصمت ریزی کے واقعات شرمناک ہیں۔ شہر میں گزشتہ 20 دنوں میں نابالغ لڑکیوں کی عصمت دری کے چار واقعات ہو چکے ہیں۔ تازہ ترین معاملہ ایک نابالغ لڑکی کے ساتھ اجتماعی عصمت ریزی کے واقعہ سے متعلق ہے۔ شہر کے مہاتما گاندھی اسپتال کے احاطے میں غصے میں گھر سے نکلنے والی 14 سالہ لڑکی کے ساتھ اجتماعی عصمت ریزی کی گئی۔ ابتدائی تفتیش میں اس مقدمہ میں تین افراد ملوث تھے جن میں ایک نابالغ بتایا جاتا ہے۔ یہ بات سامنے آئی ہے کہ ملزمین میں سے ایک مہاتما گاندھی اسپتال کا سابق ملازم ہے۔ یہ واقعہ 25 اگست کی رات کو پیش آیا۔
