مسلمانوں سے زیادہ غیرمسلم لوگ پاکستان کے لئے جاسوسی کرتے ہیں۔ ڈگ وجئے سنگھ

,

   

انہوں نے کہاکہ ”بجرنگ دل‘ بھارتیہ جنتا پارٹی ائی ایس ائی سے پیسے لیتے ہیں۔ اس پر توجہہ مرکوز کرنا چاہئے“

بھوپال۔کانگریس کے سینئر لیڈر اور مدھیہ پردیش کے سابق چیف منسٹر ڈگ وجئے سنگھ نے دعوی کیاہے کہ ”پاکستان کی خفیہ ایجنسیاں‘ جیسے ائی ایس ائی اور دیگر کے لئے ہندوستان سے جاسوسی کرنے والوں میں مسلمانوں کے بجائے زیادہ تعداد غیرمسلم کی ہے“۔

بھینڈ میں ہفتہ کے روز رپورٹرس سے بات کرتے ہوئے کانگریس کے سینئر لیڈر نے کہاکہ ”پاکستان کی ائی ایس ائی کے لئے جاسوسی مسلمان کم کررہا ہے غیرمسلم زیادہ کررہا ہے“۔

سنگھ بھارتیہ جنتا پارٹی او ربجرنگ دل پر یہ بھی الزام عائد کرتے ہوئے کہاکہ پاکستانی اداروں کے لئے کام کرتے ہیں اور یہ پیسے بھی لیتے ہیں۔

انہوں نے کہاکہ ”بجرنگ دل‘ بھارتیہ جنتا پارٹی ائی ایس ائی سے پیسے لیتے ہیں۔

اس پر توجہہ مرکوز کرنا چاہئے“۔ تاہم سنگھ نے اتوار کے روز بی جے پی کچھ مخصوص میڈیا اداروں کی جانب سے لگائے جانے والے الزامات کو اپنے ٹوئٹ کے ذریعہ مسترد کیا اور کہاکہ ان کے بیان کو غلط انداز میں پیش کیاجارہا ہے۔

انہوں نے ٹوئٹر پر لکھا کہ”مذکورہ مدھیہ پردیش پولیس نے بجرنگ دل اور بی جے پی ائی ٹی سل کے لوگوں کو پاکستان کے لئے جاسوسی کرنے او رپیسے وصول کرنے کے الزام میں گرفتار کیاہے۔

میں نے جو بیان دیا ہے میں اب بھی اس پر قائم ہوں۔ کیوں یہ نیوز چیانل بی جے پی سے سوالات نہیں کرتے؟“