میامی۔ 7 ستمبر (ایجنسیز) امریکہ کے مصروف ترین ہوائی اڈے پر ایمیزون کا کارگو طیارہ لینڈنگ کے دوران رن وے سے پھسل کر گاڑیوں سے ٹکرا گیا، جس کے نتیجے میں طیارہ میں شدید آگ بھڑک اٹھی اور ایئرپورٹ پر ہنگامی صورتحال پیدا ہو گئی۔ بوئنگ 767 کارگو طیارہ پورٹو ریکو سے میامی پہنچا تھا کہ لینڈنگ کے فوراً بعد توازن برقرار نہ رکھ سکا اور رن وے کی حدود سے باہر نکل گیا۔ طیارہ ایئرپورٹ کے شمال مغربی حصے میں موجود متعدد گاڑیوں سے جا ٹکرایا جس سے افراتفری پھیل گئی۔
