جان : اسرائیلی وزیر اعظم کے دفتر کے ایک بیان کے مطابق جمعرات کو چاڈ کے صدر محمد دیبی نے اسرائیل میں اپنے ملک کے لیے ایک سفارت خانے کا افتتاح کیا۔ دونوں ملکوں کے درمیان تعلقات کئی دہائیوں سے منقطع تھے۔ چار سال قبل ان تعلقات کی تجدید کی گئی تھی۔بیان میں تل ابیب کے قریب امارات جان کے مضافاتی علاقہ میں چاڈ کے سفارتخانہ کے کھلنے کو ایک تاریخی لمحہ قرار دیا گیا ہے۔سفارتخانہ کی افتتاحی تقریب سے ایک ویڈیو کلپ میں دیبی نے کہا کہ یہ ایک شاندار دن ہے۔ چاڈ اور اسرائیل دونوں کے لیے ایک تاریخی دن ہے۔انہوں نے مزید کہا کہ میں دعا کرتا ہوں کہ دونوں ممالک کے درمیان تعلقات سے اور اسرائیل میں ہمارے سفارت خانے کے باضابطہ افتتاح کے ذریعہ دونوں ملکوں کے لوگوں کو فائدہ پہنچے۔چاڈ کے صدر کے ساتھ کھڑے نتن یاہو نے کہا کہ ہم اپنی دوستی، امن، سلامتی اور خوشحالی کے حصول میں اپنے مشترکہ مفاد کو مضبوط بنانے کیلئے کام کر رہے ہیں۔ نیا سفارت خانہ ہمارے تعلقات کو مزید مضبوط بنا دے گا۔ مجھے امید ہے میں جلد آپ سے چاڈ میں ملاقات کروں گا۔اسرائیلی وزیر اعظم کے دفتر کے مطابق نتن یاہو نے چاڈ کے سفارتخانہ کے کھلنے کو ایک تاریخی لمحہ قرار دیا۔2018 میں چاڈ کے اس وقت کے صدر ادریس دیبی نے اسرائیل کا دورہ کیا تھا تاکہ فلسطینیوں کے ساتھ اسرائیل کے تنازعہ کی وجہ سے کئی دہائیوں سے جاری سفارتی انحراف میں ترمیم کی جاسکے اور سفارتی تعلقات کو دوبارہ بہتر بنایا جا ئے۔
