سری نگر۔ 25 اکتوبر (یو این آئی) پیپلز کانفرنس کے صدر اور رکن اسمبلی سجاد لون نے نیشنل کانفرنس پر جموں و کشمیر میں حالیہ راجیہ سبھا انتخابات کے دوران بی جے پی کی حمایت کرنے کا الزام لگایا۔ انہوں نے یہ بھی اعلان کیا کہ ان کی پارٹی جموں وکشمیر میں ریزرویشن پالیسی کے خلاف مہم شروع کرے گی۔ موصوف صدر نے یہ باتیں ہفتہ کو یہاں ایک پریس کانفرنس سے خطاب کے دوران کیں۔ انہوں نے کہا جکہ موجودہ ریزرویشن ڈھانچہ بھرتی اور تعلیم میں میرٹ کو کمزور کر رہا ہے ۔ اوپن میرٹ کو ایک طرف رکھ دیا گیا ہے ، ہم اس سسٹم کے خلاف عوامی رجسٹریشن مہم شروع کر رہے ہیں، اگر احتجاج یا بھوک ہڑتال کی ضرورت پڑی تو ہم اس کے لیے تیار ہیں۔ نیشنل کانفرنس کو شدید تنقید کا نشانہ بناتے ہوئے ان کا الزام تھا کہ نیشنل کانفرنس حالیہ راجیہ سبھا انتخابات میں بی جے پی کے ساتھ ملی ہوئی تھی۔
