اپنی شکایت میں مسجد کے امام نے یہ بھی وضاحت کی کہ مذکورہ نوجوانوں نے انہیں دھمکی دی ہے کہ وہ مسلمانوں کو زندہ نہیں چھوڑیں گے۔
دکشانا کنڈا۔عہدیداروں کی اطلاعات کے مطابق کرناٹک کے دکشانا کنڈا ضلع میں مسجد میں داخل ہوکر ’جئے شری رام‘ کے نعرے لگانے والے دو افراد کو پولیس نے گرفتار کرلیاہے۔
گرفتارکئے گئے نوجوانوں کی بیلینلی سوڈولو کے ساکن کیرتھن اور کائکامبا نیڈٹوٹا کے ساکن سچن کی حیثیت سے ہے جس کی عمر 20سال کی ہے۔
واقعہ اتوار کی رات کو کاڈابا پولیس اسٹیشن حدود میں پیش آیاہے۔مذکورہ ملزمین جو موٹر بائیک پر ائے تھے مسجد کے صحن میں داخل ہوئے اور ’جئے شری رام‘ کے نعرے لگائے۔
جب مسجد کے امام باہر ائے تو وہ نوجوان موقع سے فرار ہوگئے۔
مسجد کے سی سی ٹی وی کیمرہ میں ملزم افراد کے فوٹیج قید ہوگئے ہیں۔
اس ضمن میں شکایت کے بعد پولیسنے ملزمین کی تلاشی شروع کردی اور انہیں گرفتار کرلیاہے۔
اپنی شکایت میں مسجد کے امام نے یہ بھی وضاحت کی کہ مذکورہ نوجوانوں نے انہیں دھمکی دی ہے کہ وہ مسلمانوں کو زندہ نہیں چھوڑیں گے۔
واقعہ سے کشیدگی پھیل گئی تھی او ر پولیس نے اس خصوص میں ملزمین کو گرفتار کرنے کے لئے دو ٹیمیں تشکیل دی تھیں۔