نئی دہلی : ہندوستانی کوسٹ گارڈ نے بروقت کارروائی کرتے ہوئے ایک بیمار چینی شہری کو بحفاظت بچا لیا جو بحیرہ عرب میں بدھ کی آدھی رات کو ایک بحری جہاز کے عملے کا حصہ تھا۔ چینی شہری ریسرچ کے کام پر مامور جہاز ایم وی ڈونگ فانگ کون ٹین نمبر 2 کے عملے کا رکن ہے ۔ چینی شہری کو اس وقت دل کا دورہ پڑا جب یہ جہاز ممبئی سے 200 کلومیٹر دور بحیرہ عرب میں تھا۔ جب ممبئی میں میری ٹائم ریسکیو کوآرڈینیشن سینٹر کو اطلاع ملی کہ عملے کے رکن ین ویانگ کو دل کا دورہ پڑا ہے تو فوری طبی امداد فراہم کرنے کا فیصلہ کیا گیا۔ مرکزی حکومت نے فوری طور پر چین سے متحدہ عرب امارات جانے والے جہاز کے ساتھ رابطہ قائم کیا اور ضروری ٹیلی میڈیسن مشورہ فراہم کیا۔ چینی شہری کو فوری طور پر ہوائی جہاز سے نکالا گیا اور اسے ابتدائی طبی امداد دی گئی۔ بعد میں اسے مناسب علاج کے لیے جہاز کے ایجنٹ کے پاس بھیجا گیا۔انڈین کوسٹ گارڈ نے یہ آپریشن خراب موسم اور اندھیرے میں کیا۔
