بیجنگ: چین نے کہا کہ وہ امریکہ کے ساتھ مقابلہ کرنے سے نہیں ڈرتا لیکن اس کا ماننا ہے کہ بہتر اور مستحکم تعلقات دونوں ممالک کے مفاد میں ہیں۔چینی وزارت خارجہ کے ترجمان ماؤ ننگ نے چہارشنبہ کو یہاں ایک پریس کانفرنس میں کہاکہ چین مسابقت سے گریز نہیں کرتا اور نہ ہی ڈرتا ہے ، لیکن ہم مقابلہ کے تصور کو دونوں ممالک کے درمیان تعلقات کی تعریف کے طور پر استعمال کرنے کی مخالفت کرتے ہیں۔ ماؤ نے کہا کہ امریکہ اور چین کے درمیان بہتر اور مستحکم تعلقات دونوں ممالک کے عوام کے بنیادی مفادات کیساتھ عالمی برادری کے بھی مفاد میں ہے ۔
یوکرین کے تین علاقوں میں فضائی حملے کی وارننگ
کیف: یوکرین کے پولٹاوا، نیپروپیٹروسک اور خارکیف علاقوں میں فضائی حملے کی وارننگ جاری کی گئی ہے ۔یہ اطلاع یوکرین کی ڈیجیٹل ٹرانسفارمیشن کی وزارت کی طرف سے آن لائن فضائی حملے کے الرٹ میپ میں دی گئی ہے ۔
دریں اثناء، یوکرین کی میگزین اسٹارانا یو اے نے خارکیف شہر میں کم از کم چھ وارننگ کی اطلاع دی۔
