نیویارک ؍ ممبئی ہندوستانی ٹیلی کام کمپنی اسٹار لنک انٹرنیٹ سروسز کے لیے اسپیس ایکس سے معاہدہ کے لیے تیار ہے۔ غیر ملکی خبر ایجنسی کے مطابق ہندوستانی تاجر مکیش امبانی کی ٹیلی کام کمپنی نے اسٹار لنک کی انٹرنیٹ سروسز حاصل کرنے کے لیے ایلون مسک کی اسپیس ایکس کے ساتھ معاہدہ کا اعلان کیا ہے۔ ہندوستانی ٹیلی کام کمپنی کے بیان میں کہا گیا کہ یہ ہندوستان میں ہونے والا پہلا معاہدہ ہے تاہم اسپیس ایکس کو ہندوستان میں آپریشنز کا آغاز کرنے کے لیے حکومت کی منظوری درکار ہو گی۔ میڈیا کی رپورٹس کے مطابق معاہدہ کے تحت امریکی سیٹلائٹ انٹرنیٹ کمپنی ہندوستانی ٹیلی کام کمپنی کے ریٹیل اسٹور نیٹ ورک کو اپنی ڈیوائسز تقسیم کرنے کے لیے استعمال کر سکے گی۔
