دبئی۔ ہندوستان کے سفید گیند کے کپتان روہت شرما ویسٹ انڈیزکے خلاف پہلے ونڈے میں نصف سنچری بنانے کے بعد چہارشنبہ کو جاری کردہ تازہ ترین آئی سی سی کی ونڈے بیٹنگ درجہ بندی میں اپنے ساتھی ویراٹ کوہلی کے قریب پہنچ گئے۔ پاکستان کے کپتان بابر اعظم (873 نشانات) اور سابق کپتان کوہلی سرفہرست دو مقامات پر برقرار ہیں، لیکن روہت ویسٹ انڈیز کے خلاف تین میچوں کی سیریز کے پہلے ونڈے میں نصف کے بعد 807 ریٹنگ نشانات کے ساتھ آگے بڑھ رہے ہیں۔ کوہلی 828 ریٹنگ نشانات کے ساتھ ونڈے بیٹنگ درجہ بندی میں دوسرے مقام پر ہیں۔
