نینی تال: وزیر اعظم نریندر مودی نے اتراکھنڈ کے چمپاوت ضمنی انتخابات میں ریکارڈ جیت پر وزیر اعلیٰ پشکر سنگھ دھامی کو مبارکباد دی ہے اور کہا ہے کہ اس جیت کے ساتھ ہی دھامی اتراکھنڈ کی ترقی کے لیے اور زیادہ محنت کریں گے ۔ انہوں نے وزیر اعلیٰ کو ‘ڈائنامک’ بھی قرار دیا۔ انہوں نے چمپاوت کے لوگوں اور بی جے پی کارکنوں کو بھی دھامی کی ریکارڈ جیت پر مبارکباد دی ہے ۔ وزیر اعلیٰ پشکر سنگھ دھامی نے بھی ریکارڈ جیت کے لیے چمپاوت کے لوگوں کا شکریہ ادا کیا اور کہا کہ وہ چمپاوت کی ترقی کے لیے پرعزم ہیں۔ وہ چمپاوت کو ہندوستان کے نقشے پر ایک اہم مقام دلائیں گے ۔صحافیوں سے بات چیت کرتے ہوئے انہوں نے وزیر اعظم مودی کا شکریہ بھی ادا کیا اور کہا کہ اسمبلی انتخابات میں شکست کے باوجود وزیر اعظم نے ان پر اعتماد کیا ہے ۔
