حیدرآباد18فروری(یواین آئی) پولیس نے نظام آباد شہر کی نیو ہاؤسنگ بورڈ کالونی میں ایک مکان میں چھپائے گئے 95 جلیٹن اسٹکس اور 10 ڈیٹونیٹر ضبط کئے ۔ پولیس نے بی سُگنا نامی خاتون کو گرفتار کر کے ریمانڈکردیا۔ خاتون نے پولیس سے کہا کہ پرساد گوڑ نے اسے جلیٹن اسٹکس و ڈیٹونیٹرس دیئے تھے ۔ اس نے بتایا کہ پرساد گوڑ نے ان اشیا کو مکان میں رکھا تاکہ ضرورت پر استعمال کیاجاسکے ۔ پرساد گوڑ اور سُگنا آرمور کے ایم ایل اے جیون ریڈی کے قتل کی سازش کے ملزم ہیں ۔
