مبئی : سونو سود 51 سال کے ہیں اور اپنی مضبوط اور متوازن جسمانی ساخت کے لیے مشہور اداکار کا کہنا ہے کہ ان کی صحت مند طرز زندگی کا راز سادگی اور مستقل مزاجی ہے۔ ایک حالیہ انٹرویو میں سونو نے انکشاف کیا کہ وہ ہمیشہ سے سبزی خور (وجیٹیرین) ہیں اور کبھی سبزی اور دالوں کے سوا دیگر غذا یا شراب کا استعمال نہیں کیا۔ ان کا کہنا ہے کہ ان کی مضبوط جسمانی ساخت کا سہرا ان کی خوراک اور پنجابی جینیات کو جاتا ہے، جو انہوں نے اپنے والدین سے وراثت میں حاصل کی۔ سونو کا ماننا ہے کہ فٹ رہنے کے لیے مختلف تراکیب سے تیار کرد سپلیمنٹس ضروری نہیں۔ اگرچہ انہوں نے پروٹین پاؤڈر کا استعمال کیا ہے، لیکن وہ سپلیمنٹس اور اسٹیرائڈز سے گریز کرتے ہیں۔ ان کا کہنا ہے کہ وہ پرتعیش ہوٹلوں میں بھی سادہ کھانے کو ترجیح دیتے ہیں، جیسے سلاد اور انڈے کی سفیدی۔ سونو نے دال اور چاول کو اپنی پسندیدہ غذا قرار دیتے ہوئے کہا کہ وہ اس ایک ڈش پر ہمیشہ گزارہ کر سکتے ہیں۔ اداکار نے بتایا کہ ان کی فٹنس کا راز صرف مستقل ورزش اور سادہ خوراک کا استعمال ہے۔ وہ اپنے ناشتے میں انڈے کی سفیدی، ایووکاڈو، سبزیاں اور پپیتا شامل کرتے ہیں، جو انہیں دن بھر توانائی فراہم کرتا ہے۔ حال ہی میں سونو سود کی نئی فلم فتح ریلیز ہوئی ہے جس میں اداکارہ جیکولین فرنینڈس ان کے ساتھ پہلی مرتبہ اسکرین شیئر کر رہی ہیں۔
