نئی دہلی: کانگریس نے امریکی صدر ڈونالڈ ٹرمپ کی نئی ٹیکس پالیسی کو خودمختاری کیلئے خطرناک قرار دیتے ہوئے کہا کہ یہ جی ایس ٹی کیلئے بھی ایک چیلنج بن گیا ہے ، اس لیے حکومت کو اس سے نمٹنے کیلئے فوری اقدامات کرنے چاہئیں۔پارٹی نے کہا کہ ٹرمپ کی باہمی ٹیرف لگانے کی بات بہت تشویشناک ہے اور ان کا حکم نہ صرف جی ایس ٹی کے تصور کو چیلنج کرتا ہے بلکہ ہماری قومی خودمختاری پر بھی سوال اٹھاتا ہے۔ کانگریس کمیونیکیشن ڈپارٹمنٹ کے انچارج جے رام رمیش نے کہا کہ کانگریس طویل عرصے سے جی ایس ٹی 2.0 کا مطالبہ کر رہی ہے ، جو جی ایس ٹی کو واقعی ایک اچھا اور آسان ٹیکس بنائے گا جیسا کہ اسے اصل میں ڈیزائن کیا گیا تھا۔ کانگریس نے کم از کم شرحوں اور تعمیل کے اصولوں کی مانگ کی ہے۔ اب صدر ٹرمپ جی ایس ٹی کے وجود کو ہی خطرہ پیدا کر رہے ہیں۔ اس کے بنیادی ڈھانچے کے مطابق جی ایس ٹی درآمدات پر نافذ ہوتا ہے ، لیکن برآمدات پر نہیں۔
