نئی دہلی۔ویراٹ کوہلی ہندوستان میں نمبر ایک مشہور شخصیت ہیں اور وہ انسٹاگرام پر ایک پوسٹ کیلئے 5کروڑ روپئے لیتے ہیں اور جب انسٹاگرام پوسٹ پر فیس وصول کرنے کی بات آتی ہے اس فہرست میں فٹبال اسٹار کرسٹیانو رونالڈو سرفہرست ہیں کیونکہ انہوں نے 2021 میں فی پوسٹ 12 کروڑ وصول کرتے رہے ہیں۔ ہندوستانی ٹسٹ کپتان کوہلی کے انسٹاگرام پر ہندوستان میں سب سے زیادہ فالوورز بھی ہیں۔ 177 ملین لوگ لیجنڈری کرکٹر کو فالو کرتے ہیں، جو عوام میں اس کی مقبولیت کی مثال ہے۔ کوہلی کے علاوہ سرفہرست 50 صرف ایک ہندوستانی ہے اور وہ اداکارہ پرینکا چوپڑا ہے جوکہ اس فہرست میں 27ویں نمبر پر ہے اور فی انسٹاگرام پوسٹ تقریباً 3 کروڑ روپئے فیس وصول کرتی ہیں۔ فوربز انڈیا کے مطابق ان دونوں مشہور شخصیات نے سوشل میڈیا پر تشہیری پوسٹس کرکے خطیر رقم کمائی۔ ہندوستانی ٹسٹ کپتان میدان کے اندر اور باہر سب سے زیادہ مطلوب شخصیات میں سے ایک ہیں جس کی وجہ سے وہ ملک کے لیے درجنوں اعزازات لائے ہیں۔ 2008 میں اپنے ڈیبیو کے بعد سیکوہلی نے چیس ماسٹر (نشانے کا تعاقب کرنے میں ماہر)، رن مشین، ہندوستان کے سب سے کامیاب ٹسٹ کپتان اور جدید دور کے لیجنڈ کا خطاب حاصل کیا ہے۔ انہوں نے بہت سے برانڈز کی توثیق بھی کی ہے اور بہت سے اشتہارات میں نظر آئے ہیں۔ کوہلی 2021 میں یاہو کی فہرست میں سب سے زیادہ تلاش کی جانے والی اسپورٹس شخصیات میں سے ایک تھے۔ وہ ستمبر 2021 میں 150 ملین انسٹاگرام فالوورز رکھنے والے پہلے ہندوستانی مشہور شخصیت بھی بن گئے۔ کوہلی اس وقت جاری تین میچوں کی ٹسٹ سیریز کے لیے جنوبی افریقہ میں ہیں۔ مہمانوں نے پہلا ٹسٹ جیت کر سیریز کا آغاز دھوم دھام سے کیا تاہم جوہانسبرگ میں ہندوستانی ٹیم کو دوسرے ٹسٹ میچ میں سات وکٹوں سے شکست ہوئی تھی۔ 33 سالہ کوہلی کمر میں درد کی وجہ سے دوسرا میچ نہیں کھیل سکے تھے۔واضح رہے کہ اس وقت انسٹاگرام پر اس وقت مداحوں کی ایک بڑا گروپ اپنے اسٹارس کے ہر لمحہ سے باخبر رہنے کیلئے انہیں فالوکرتے ہیں۔
کوہلی کی تیسرے ٹسٹ میں واپسیکا امکان
کیپ ٹاؤن (جنوبی افریقہ)۔ جنوبی افریقہ میں اپنی پہلی ٹسٹ سیریز جیتنے کے مقصد سے ہندوستان نے اتوارکوکیپ ٹاؤن میں میزبان ٹیم کے خلاف تیسرے اور آخری ٹسٹ کے لیے اپنی تیاری شروع کی ہے۔بی سی سی آئی نے ہندوستانی ٹیم کی ایک تصویر کے ساتھ ٹویٹ کیا ہم یہاں کیپ ٹاؤن میں تیسرے ٹسٹ کی تیاری شروع کردی ہے۔ ڈراویڈ نے کوہلی کی تیسرے ٹسٹ میں واپسی کی امید ظاہر کی ہے ۔
