ریاست کی تمام 80 نشستوں پر بی جے پی کو کامیابی ملے گی ۔ مراد آباد میں انتخابی جلسہ سے وزیرداخلہ کا خطاب
مرادآباد: مرکزی وزیر داخلہ امت شاہ نے جمعہ کو کہا کہ اتر پردیش نے گزشتہ دو لوک سبھا انتخابات میں نریندر مودی کو وزیر اعظم بنانے میں خصوصی تعاون کیا ہے اور اس بار بھی یہ سیاسی طور پر اہم ریاست مودی کو وزیر اعظم بنائے گی۔ وزیراعظم اسے بنانے پوری طرح تیار ہیں۔مرادآباد کے بدھی وہار میدان میں بی جے پی کے امیدوار سرویش سنگھ اور سنبھل کے پرمیشور لال سینی کی حمایت میں جلسہ سے خطاب کرتے ہوئے امیت شاہ نے کہا کہ اتر پردیش کی 80 میں 80 سیٹیں بی جے پی جیتے گی ۔ انہوں نے کہا کہ سابقہ حکومتوں میں لاء اینڈ آرڈر کمزور تھا، وہیں یوگی کے دور میں مافیا اور غنڈے نقل مکانی کر رہے ہیں۔ وہ 2013 میں یہاں مغربی اتر پردیش آئے تھے ، اس وقت خوف، فساد، گائے کی اسمگلنگ اور غنڈوں کا راج اور ہجرت تھی۔ 2014 سے پہلے یہاں گائے کی اسمگلنگ ہوتی تھی، ہندو ہجرت پر مجبور ہو رہے تھے ۔انہوں نے کہا کہ جب آپ نے سماج وادی پارٹی کو ہٹایا تو امن قائم ہوا۔ نریندر مودی کی قیادت میں حکومت نے اتر پردیش میں چار ہوائی اڈے اور چھ ایکسپریس وے بنائے ہیں، اور باقی چھ زیر تعمیر ہیں۔ چھ لین تیار کی جا رہی ہیں۔ اب ون ڈسٹرکٹ ون پروڈکٹ کا کام شروع ہوا اور ترقی ہوتی گئی۔ حکومت 80 لاکھ گاؤں والوں کو بجلی فراہم کرنے کام کر رہی ہے ۔ مودی حکومت نے تین کروڑ سے زیادہ غریبوں کو 5 لاکھ روپے تک مفت علاج فراہم کی ہے ۔ اس کے علاوہ 10 سالوں میں دو کروڑ بیت الخلاء بنائے گئے ، جن کا فائدہ تقریباً 14 کروڑ افراد حاصل کر رہے ہیں۔ چار کروڑ سے زیادہ ضرورت مندوں کو گیس سلنڈر دیے گئے ہیں۔ انہوں نے کہا کہ مودی حکومت نے ایک لاکھ غریب بہنوں کو لکھ پتی بنا دیا ہے ۔ کبھی راہول بابا ہمارا مذاق اڑاتے تھے کہ وہ وہاں مندر بنائیں گے لیکن تاریخ نہیں بتائیں گے ۔2019 میں بار پھر آپ نے مودی حکومت بنائی۔ پانچ سال کے اندر جب عدالت کا فیصلہ آیا تو بھومی پوجن ہوا اور22 جنوری کو رام مندر کا پران پرٹشٹھان ہوا۔ رام مندر احتجاج کے باوجود اپوزیشن کو پران پرتیشتھا میں شرکت کے دعوت نامہ بھیجے گئے لیکن انھوں نے شرکت نہیں کی کیونکہ وہ اپنا ووٹ بینک کھونے کا ڈر تھا۔ شاہ نے کہا کہ بی جے پی حکومت میں نہ صرف رام مندر بلکہ بابا وشوناتھ دربار کو بھی سجایا گیا تھا۔ بدری ناتھ اور کیدارناتھ دھام میں خصوصی تعمیراتی کام کیا گیا۔ سومناتھ مندر کی تعمیر پر کام کیا جا رہا ہے ۔ نریندر مودی کی قیادت میں وراثت کو بچانے کا کام کیا گیا جبکہ ترقیاتی کام بھی تیز رفتاری سے ہو رہے ہیں۔بی جے پی کے سابق صدر نے کہا کہ مودی حکومت نے 10 سال میں ملک کی معیشت کو 11ویں نمبر پر پہنچا دیا ہے ۔ اگر مودی تیسری بار وزیر اعظم بنتے ہیں تو وہ ہندوستان کی معیشت کو تیسرے نمبر پر لے جائیں گے ۔ شاہ نے کہا، 70 سال تک کانگریس دفعہ 370 کو گود میں بچوں کی طرح پالتی رہی، آپ نے مودی کو دوسری بار وزیر اعظم بنایا جس پر 5 اگست 2019 کو کشمیر سے دفعہ 370 کو ختم کر دیا گیا۔وزیر داخلہ نے کہا کہ کانگریس صدر کھرگے کہتے ہیں کہ راجستھان و اتر پردیش کے لوگوں کا کشمیر سے کوئی لینا دینا نہیں ہے ۔ میں انہیں بتانا چاہتا ہوں کہ مرادآباد کا ہر بچہ کشمیر کیلئے جان قربان کرنے تیار ہے ۔ انہوں نے کہا کہ مودی کی قیادت میں حکومت نے 10 سال کے عرصے میں دہشت گردی اور نکسل ازم کا خاتمہ کیا ہے ۔کانگریس پر تنقید کرتے ہوئے انہوں نے کہا کہ کانگریس کے دور میں عالیہ، مالیہ اور جمالیہ روزانہ پاکستان سے آتے تھے اور بم دھماکوں کے بعد چلے جاتے تھے ۔ اسی مغالطے میں پلوامہ میں دھماکہ ہوا تھا لیکن وہ یہ بھول گئے کہ یہاں اب کانگریس حکومت نہیں ہے ۔ اس کے بعد مودی سرکار نے سرجیکل اسٹرائیک کا جواب دیا۔ شاہ نے کہا کہ مودی حکومت نے 80 کروڑ لوگوں کو مفت راشن دیا ہے ۔ غریبوں کو گھر، بیت الخلا اور سلنڈر فراہم کیا ہے ۔ بی جے پی حکومت میں نقل مکانی رکی ہے ، مافیاز کا خاتمہ ہوا ہے ، پاکستان سے دہشت گردوں کا خاتمہ ہوا ہے ۔ یوپی میں آج ہر طرف محفوظ ماحول ہے ۔ اس لیے مودی کو تیسری بار وزیر اعظم بنانا ہے ۔ اس بار نہ 73 جائیں گے اور نہ ہی 65، اس بار 80 میں 80 سیٹیں مودی کے پاس جائیں گی ۔