واشنگٹن / تل ابیب : امریکی انتظامیہ ایران کے خلاف ممکنہ جوابی کارروائی کے حوالے سے اسرائیل کے ساتھ بات چیت جاری رکھے ہوئے ہے۔وائٹ ہاؤس کی ترجمان کرائن جین پیئر نے کہا کہ ایران کے خلاف اسرائیل کے فوجی ردعمل کے حوالے سے تل ابیب کے ساتھ بات چیت جاری ہے۔ترجمان نے یومیہ پریس بریفنگ میں مشرق وسطیٰ کی صورتحال کے بارے میں جائزہ لیا۔ترجمان نے کہا کہ ہم اسرائیلیوں کے ساتھ ایران کے حملے کے جواب کے بارے میں بات چیت جاری رکھے ہوئے ہیں۔ انہوں نے اسرائیل کی سلامتی کے لیے اپنے عزم کا اعادہ کیا۔امریکہ کے ایران کے خلاف اسرائیل کو براہ راست اور بالواسطہ فوجی امداد فراہم کرنے کی یاد دہانی کرانے والی جین پیئر نے زور دیا کہ ہم اسے جاری رکھیں گے۔امریکی صدر جو بائیڈن نے بروز جمعہ اپنے بیان میں کہا تھا کہ” اسرائیل نے ایران کو کس شکل میں جواب دینے کا تا حال کوئی واضح فیصلہ نہیں کیا اور کہا کہ اگر میں ان کی جگہ ہوتا تو تیل کے شعبوں کے علاوہ دیگر متبادل پر غور کرتا۔
