راجکوٹ: انگلینڈ کے کپتان بین اسٹوکس نے اپنے100 ویں ٹسٹ میں شرکت کے موقع پر خود کو متاثر نہ کرنے کی بھرپور کوشش کی یہ کہتے ہوئے کہ سنگ میل وہی ہوتے ہیں جو وہ ہوتے ہیں لیکن وہ اس مقابلے کے منتظر ہیں جو ستاروں سے بھرا ہندوستان کے خلاف کھیلا جائے گا۔ اسٹوکس 100 ٹسٹ میں کھیلنے والے انگلینڈ کے 16ویں کھلاڑی بن جائیں گے جب وہ جمعرات کو یہاں ہندوستان کے خلاف تیسرے ٹسٹ میں ٹیم کی قیادت کریں گے۔ میچ سے پہلے کی پریس کانفرنس میںاسٹوکس نے اپنی کامیابی کے اردگرد پھیلی ہوئی باتوں کو کم کرنے کی پوری کوشش کی۔ انہوں نے کہا کہ سنگ میل وہی ہوتے ہیں جو وہ ہوتے ہیں۔ میں نے ہمیشہ ہندوستان کے خلاف کھیلنا پسندکیا ہے کیونکہ یہ مقابلہ، سنسنی لاتا ہے، انہوں نے مختصر جواب میں کہا جب ان سے میچ کے بارے میں ان کے خیالات کے بارے میں پوچھا گیا۔
انگلش ٹیم کااعلان ، بشیر کی جگہ ووڈ کی واپسی
راجکوٹ۔ انگلینڈ نے جمعرات کو یہاں شروع ہونے والے تیسرے ٹسٹ میچ میں ہندوستان کا مقابلہ کرنے کے لیے اپنی پلیئنگ الیون کا اعلان کر دیا ہے، جس میں تجربہ کار فاسٹ بولر مارک ووڈ نوجوان اسپنر شعیب بشیر کی جگہ لیں گے۔ پانچ میچوں کی سیریز کا تیسرا میچ انگلش کپتان بین اسٹوکس کے لیے 100 واں ٹسٹ میچ ہوگا، جو انگلینڈ کے لیے ٹسٹ کی سنچری مکمل کرنے والے 16ویں کھلاڑی بن جائیں گے۔ بشیر کی جگہ ووڈس دوسرے ٹسٹ کے لئے انگلش ٹیم میں واحد تبدیلی ہے ۔ابتدائی دوٹسٹ مقابلوں میں مہمان ٹیم نے صرف ایک فاسٹ بولر کو موقع دیا تھا۔ انگلینڈ نے حیدر آباد میں پہلا ٹسٹ 28 رنز سے جیتا تھا اور ہندوستان نے وشاکھاپٹنم میں 106 رنز کی جیت کے ساتھ واپسی کی اور پانچ میچوں کی سیریز فی الحال 1-1 سے برابر ہے۔
انگلینڈ پلیئنگ الیون: زیک کرولی، بین ڈکٹ، اولی پوپ، جو روٹ، جونی بیرسٹو، بین اسٹوکس (کپتان)، بین فوکس، ریحان احمد، ٹام ہارٹلی، مارک ووڈ اور جیمز اینڈرسن۔
