تالوکان،6ستمبر (سیاست ڈاٹ کام) افغانستان کے تاخر صوبے میں جمعرات کی رات طالبانی جنگجوؤں نے سرکاری سلامتی دستوں کی سیکوریٹی چوکی پرحملہ کردیا جس سے چھ سکیورٹی اہلکاروں کی موت ہوگئی اور چار دیگر زخمی ہوگئے ۔صوبائی گورنر کے ترجمان محمد جاوید ہجری نے بتایا کہ صوبے کے درکد ضلع میں جھڑپوں کے دوران آٹھ طالبانی جنگجو بھی مارے گئے اور پانچ دیگر زخمی ہوگئے ۔ذرائع کے مطابق جھڑپوں کے دوران طالبانی جنگجوؤں کی جانب سے داغا گیا ایک مورٹار ایک مکان پر گراجس سے دو شہریوں ی ہلاک ہوگئے اور دو دیگر زخمی ہوگئے ۔طالبانی جنگجوؤں کا صوبے کے کچھ حصوں پر قبضہ ہے ۔
وہ بیہڑ علاقوں اور پہاڑی ٹھکانوں میں چھپ کر مسلسل سلامتی دستوں پر حملے کرتے رہتے ہیں۔