استنبول : ترک صدر رجب طیب اردغان نے امریکہ اور کینیڈا سمیت 10 ممالک کے سفیروں کو ناپسندیدہ قرار دینے کا حکم دے دیا۔ میڈیاکے مطابق ناپسندیدہ قرار دیے جانے والے ملکوں کے سفیروں میں امریکہ،کینیڈا، فرانس، ڈنمارک، فن لینڈ، ہالینڈ، نیوزی لینڈ، ناروے اور سویڈن شامل ہیں۔ ان سفیروں نے غداری اور بغاوت کے مقدمات کاسامنا کرنے والے عثمان کوالا کی حمایت میں بیان دیا تھا جس کے پیش نظر ترک صدر کا یہ بیان سامنے آیا ہے۔ترک صدر طیب اردغان کا کہنا تھا کہ جن سفیروں کو ترکی کی سمجھ نہیں آرہی تو انھیں ملک چھوڑ دینا چاہیے۔
