واشنگٹن: نیویارک کی اٹارنی جنرل لٹیشاجیمز نے کہا کہ 13 امریکی اٹارنی جنرل ارب پتی ایلون مسک کی قیادت والے امریکی محکمہ برائے حکومتی کارکردگی (ڈی او جی ای) کی معلومات تک رسائی کو محدود کرنے کے لیے مقدمہ دائر کرنا چاہتے ہیں۔لٹیشاجیمز نے ایک بیان میں کہا کہ گزشتہ ہفتے ، امریکی محکمہ خزانہ نے ایلون مسک کو امریکیوں کی ذاتی نجی معلومات بینک اکاؤنٹ کے ڈیٹا، اور دیگر معلومات تک رسائی دی ہے ، جس میں سے ہمارے ملک کے کچھ انتہائی حساس ڈیٹا میں شامل ہیں۔ دنیا کے امیر ترین شخص مسک کو ’نہیں‘ سننے کی عادت نہیں ہے لیکن ہمارے ملک میں کوئی بھی قانون سے بالاتر نہیں ہے ۔
