کولکتہ : مرکزی وزیر داخلہ امیت شاہ اور بی جے پی کے قومی صدر جے پی نڈا نے آج بنگال بی جے پی لیڈروں کے ساتھ میٹنگ کرنے کے بعد اگلے لوک سبھا انتخابات کی تیاریوں کیلئے 15رکنی انتخابی کمیٹی تشکیل دینے کا فیصلہ کیا گیا ہے ۔ انتخابی کمیٹی میں امیت شاہ سے ملاقات کرنے والے ریاستی بی جے پی لیڈروں کی فہرست میں سوکانت مجمدار، دلیپ گھوش، شوبھندو ادھیکاری، راہل سنہا، امیتابھ چکرورتی، ستیش ڈھنڈ، منگل پانڈے ، آشا لکرا شامل ہیں۔ ان کے علاوہ پانچ جنرل سکریٹری لاکیٹ چٹوپادھیائے ، اگنی مترا پال، جگن ناتھ چٹوپادھیائے ، جیوترموئے سنگھ مہات اور دیپک برمن ہیں۔ اس کے علاوہ امیت مالویہ اور سنیل بنسل میٹنگ میں موجود ہیں۔ بی جے پی نے اس میٹنگ کے کل 15 ارکان کے ساتھ ایک انتخابی کمیٹی بھی تشکیل دی ہے ۔ یہ کمیٹی امت شاہ کی ہدایت کے مطابق بنائی گئی ہے ۔ اسے لوک سبھا انتخابات کی تیاریوں کے پیش نظر بنایا گیا تھا۔
اس کے علاوہ امیت شاہ کے جانے کے بعد بی جے پی کی ریاستی کمیٹی کی میٹنگ جلد ہونے والی ہے ۔ امیت شاہ آج کی میٹنگ میں پارٹی لیڈروں کو کئی ہدایات دی ہیں۔ان ہدایات پر عمل کرنے کیلئے بی جے پی لیڈران کل ایک بار پھر میٹنگ کریں گے ۔
