میری لینڈ: امریکی ریاست میری لینڈ سے منتخب سینیٹر کرس وان ہولن نے انتخابی دھاندلی الزامات کے حوالے سے پاکستانی سفیر کو خط میں کہا کہ انتخابی دھاندلی کے الزامات کی چھان بین کرنی چاہیے۔ تفصیلات کے مطابق انہوں نے بلوچستان میں انتخابی مہم پر حملوں کے متاثرین اور ان کے اہلخانہ سے تعزیت کا اظہار بھی کیا ہے۔ اپنے خط میں امریکی سینیٹر نے لکھا ہے کہ پاکستانی حکام کو انتخابات میں دھاندلی اور مداخلت کے الزامات کی چھان بین کرنی چاہیے۔ خط میں مزید لکھا گیا کہ پاکستان کے معاشی اور سیکیورٹی چیالنجز سے متعلق فیصلوں کے لیے مضبوط حکومت کی ضرورت ہے۔ دوسری جانب پاکستان اور امریکہ کے بہت سے مفادات مشترک ہیں، منصفانہ انتخابات کے ذریعہ جمہوری عمل کی حمایت اور عوام کی مرضی کا احترام کرتے ہیں۔
