اگرتلہ : تلنگانہ میں بھارتیہ جنتا پارٹی (بی جے پی) کے سینئر لیڈر اندر سینا ریڈی نلو نے جمعرات کے روز یہاں راج بھون دربار ہال میں منعقدہ رسمی تقریب میں تریپورہ کے 20ویں گورنر کے طور پر حلف لیا۔مسٹر ریڈی نے ستیہ دیو نارائن آریہ کے جانشیں بنے ، جنہوں نے جولائی 2021 میں ہریانہ سے تریپورہ منتقل ہونے کے بعد دو سال سے زیادہ گورنر کی حیثیت سے خدمات انجام دیں۔ مسٹر آریہ (85) ہریانہ اور تریپورہ کے گورنر کے طور پر اپنی مدت ملازمت مکمل کرنے کے بعد ریٹائر ہوئے اور پٹنہ میں اپنے گھر واپس لوٹ گئے ۔تریپورہ ہائی کورٹ کے چیف جسٹس اپریش کمار سنگھ نے مسٹر ریڈی کو عہدے کا حلف دلایا۔ اس موقع پر وزیر اعلیٰ ڈاکٹر مانک ساہا اور ان کی کابینہ کے ساتھیوں اور اعلیٰ حکام سمیت دیگر معززین موجود تھے ۔
