حیدرآباد۔ رضاکارانہ تنظیم ایس ائی ایل آرنے منگل کے روز حکومت سے سوا ل کیاہے کہ کس قانون کے تحت آر ایس ایس ورکرس کو کاما ریڈی میں ایمرجنسی ڈیوٹی دی گئی ہے۔
میجر ایس جی ایم قادری جوکہ این جی او کے سکریٹری ہیں نے تلنگانہ کے محکمہ مال کو ایک مکتوب روانہ کرتے ہوئے آر ایس ایس کارکنوں کو ڈیوٹی پاس جاری کرنے کے متعلق جواب مانگا ہے۔
مذکورہ این جی او نے حکومت سے سوال کیا ہے کے کس قانون کے تحت ایک ہی ائی ڈی نمبر290917کے ساتھ ایمرجنسی ڈیوٹی پاسیس آر ایس ایس ورکرس سائی ریڈی اور ایم مورتی کو تحصلیدار کاماریڈی نے جاری کئے ہیں۔
اپنے لیٹر میں سکریٹری این جی او نے مزید لکھا ہے کہ کتنے ایمرجنسی ڈیوٹی پاسیس آر ایس ایس ورکرس کو جاری کئے گئے ہیں‘ آیاکوئی اس طرح کا ایمرجنسی ڈیوٹی پاس مسلم اور عیسائی تنظیموں کے نام بھی جاری کیاگیاہے؟۔
انہوں نے حکومت سے یہ بھی مطالبہ کیاہے کہ ان کے خدمات میں اگر کوئی غلطیاں پائی گئی ہیں تو ان کے خلاف کاروائی کی جائے۔ ایک این جی او ایس ائی ایل آر فرقہ وارانہ ہم آہنگی وامن اور قانونی چارہ جوئی کے میدان میں کام کرتی ہے